Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 5.40.1 | Hdt. 5.41.3 (English) | >>Hdt. 5.43.1 |
5.41.1
χρόνου δὲ οὐ πολλοῦ διελθόντος ἡ ἐσύστερον ἐπελθοῦσα γυνὴ τίκτει τὸν δὴ Κλεομένεα τοῦτον . καὶ αὕτη τε ἔφεδρον βασιλέα Σπαρτιήτῃσι ἀπέφαινε , καὶ ἡ προτέρη γυνὴ τὸν πρότερον χρόνον ἄτοκος ἐοῦσα τότε κως ἐκύησε , συντυχίῃ ταύτῃ χρησαμένη .
5.41.2 ἔχουσαν δὲ αὐτὴν ἀληθεῖ λόγῳ οἱ τῆς ἐπελθούσης γυναικὸς οἰκήιοι πυθόμενοι ὤχλεον , φάμενοι αὐτὴν κομπέειν ἄλλως βουλομένην ὑποβαλέσθαι . δεινὰ δὲ ποιεύντων αὐτῶν , τοῦ χρόνου συντάμνοντος , ὑπʼ ἀπιστίης οἱ ἔφοροι τίκτουσαν τὴν γυναῖκα περιιζόμενοι ἐφύλαξαν .
5.41.3 ἡ δὲ ὡς ἔτεκε Δωριέα ἰθέως ἴσχει Λεωνίδην , καὶ μετὰ τοῦτον ἰθέως ἴσχει Κλεόμβροτον · οἱ δὲ καὶ διδύμους λέγουσι Κλεόμβροτον καὶ Λεωνίδην γενέσθαι . ἡ δὲ Κλεομένεα τεκοῦσα καὶ τὸ δεύτερον ἐπελθοῦσα γυνή , ἐοῦσα θυγάτηρ Πρινητάδεω τοῦ Δημαρμένου , οὐκέτι ἔτικτε τὸ δεύτερον .
ch. 42
5.42.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 5.40.1 | Hdt. 5.41.3 (English) | >>Hdt. 5.43.1 |